الله يعين العقـل ويثبـت الديـن=
في حزن لا منسي ولا هو بعـابر
بصدورنا كأنه طعـون السكاكيـن=
وفعيوننـا مثـل الكفـن والمقابـر
حنـا حزنـا لشيـوخ البعيـديـن=
واشلون ما نحزن على الشيخ جابر
يا اكبر غلا تدمع على شانـه العيـن=
يا اعز من ناحة عليـه المنابـر
يا متعب بعطفك شموخ السلاطيـن=
ومثبت بزهـدك سمـو المخابـر
يا من خلقه الله وطـن للمساكيـن=
يا اصدق قصيد سيلته المحابـر
رحت وتركت محبتك عندنـا ديـن=
علمتنـا معنـى فـراق الاكـابـر
يا سيدي نلقى مثل طيبتـك ويـن=
وانت اللذي تكبـر وغيـرك يكابـر
ان غاب جابرنا يجي جابر منين=
واحنا ملاهيفك مثل ما انت خابـر
حنـا يبكينـا فـراق البعيـديـن=
واشلون ما نبكي على موت جابـر
